''ချမ်းပုံမှာ ကမ်းကုန်ရစ်တာမို့
မန်းတုန်အောင် လမ်းဆုံကဟစ်ချင်တော့''လို့
ဘွဲ့ဆိုခဲ့တာ...
ဆရာဖေရေ
အဲဒီဆောင်းဟာ
မန္တလေးမြို့ခံတွေနဲ့အတူ
မန္တလေးမြို့အပြင်ကို နှင်ထုတ်ခံလိုက်ရပြီ။
၂၆လမ်း၊ လမ်း၃၀၊ ၃၅လမ်း၊
၆၂လမ်း၊ လမ်း၈၀၊ ၈၄လမ်း၊ ၈၆လမ်း၊ မန္တလေးရဲ့ အသက်သွေးကြောလမ်းတွေမှာ
မြန်မာစကား မပြောတတ်၊ မြန်မာစကား မပီတဲ့
အသားဖြူ နီကြား တိုင်းရင်းသားမဟုတ်တဲ့လူတွေကို
အလွယ်တကူ တွေ့နိုင်ပေမယ့်
မန္တလေးဆောင်းစစ်စစ်နဲ့
မန္တလေးမြို့ခံ မြို့သူ၊ မြို့သားစစ်ကို
မန္တလေးမြို့စစ်စစ်ရဲ့
လမ်းကြိုလမ်းကြားမှာတောင် မတွေ့ရဘူး။
မန္တလေးမြို့ပြင်လေးရပ်မှာ
နေခွင့်မရတော့တဲ့ မန္တလေးဆောင်းဟာ
လေလုံအုတ်တိုက်မရှိတဲ့
မွေ့ယာ ဂွမ်းဆောင်ထူထူမရှိတဲ့
အမွှေးပွပွ အနွေးထည်မရှိတဲ့
မန္တလေးမြို့အစွန်က လူတွေကို
အသဲစွဲအောင်ချစ်တတ်ဖို့အတွက်
အရိုးကွဲအောင်ရိုက်နှက်နေတယ်။
အခုတော့...
မြန်မာနိုင်ငံရဲ့အပြောင်းအလဲမှာ
မန္တလေးဆောင်းဟာ ပြောင်းလဲသွားတယ်။
လှိုင်မျိုး
18th Dec 2015
No comments:
Post a Comment